روزنامہ شمشیروطن

فورٹ عباس (نمائندہ خصوصی / فراز احمد)* محکمہ ریلوے نے فورٹ عباس کے قصبہ مروٹ کے قریب سرکاری اراضی پر قائم غیر قانونی قبضوں کے خلاف بڑا اور کامیاب آپریشن کیا ہے۔ یہ آپریشن ڈی ایس ریلوے ملتان کی سربراہی میں کیا گیا، جس میں ریلوے پولیس، ریلوے لینڈ برانچ، ضلعی انتظامیہ اور بھاری مشینری نے حصہ لیا۔ ذرائع کے مطابق مروٹ کے قریب ریلوے کی قیمتی کمرشل اراضی پر عرصہ دراز سے غیر قانونی قبضہ کیا ہوا تھا۔ وہاں بغیر کسی اجازت اور لیز کے دکانیں بنا لی گئی تھیں اور سرکاری زمین کو ذاتی استعمال میں لایا جا رہا تھا، جس سے محکمہ ریلوے کو کروڑوں روپے کا نقصان ہو رہا تھا۔ آپریشن کے دوران 9 غیر قانونی دکانیں بھاری مشینری کی مدد سے مسمار کر دی گئیں، جبکہ 3 دکانیں موقع پر ہی سیل کر دی گئیں۔ اس آپریشن میں مجموعی طور پر 9.77 مرلہ ریلوے کی کمرشل اراضی قبضہ مافیا سے واگذار کروا لی گئی، جس کی مالیت تقریباً 2 کروڑ 95 لاکھ روپے بتائی جا رہی ہے۔ آپریشن کے دوران کسی بھی قسم کی مزاحمت کو ناکام بنانے کے لیے پولیس کی بھاری نفری بھی موجود تھی۔ ریلوے حکام نے موقع پر موجود لوگوں کو واضح طور پر خبردار کیا کہ ریلوے ...