بین الاقوامی معیار کی عملی تربیت، Keune کے سینئر انسٹرکٹر کی خصوصی ورکشاپ، جدید ہیئر کلرنگ، اسٹائلنگ اور گرومنگ کی مہارتوں سے طلباء مستفید
Casa Bella Beauty Institute Gujrat کے مزید 4 طلباء نے بیسک باربر ڈپلومہ کامیابی سے مکمل کر لیا
بین الاقوامی معیار کی عملی تربیت، Keune کے سینئر انسٹرکٹر کی خصوصی ورکشاپ، جدید ہیئر کلرنگ، اسٹائلنگ اور گرومنگ کی مہارتوں سے طلباء مستفید
گجرات (سید معظم حسین): ہنر مند افرادی قوت کی تیاری اور نوجوانوں کو بین الاقوامی معیار کی پیشہ ورانہ تربیت فراہم کرنے والے معروف ادارے Casa Bella Beauty Institute Gujrat نے ایک اور اہم سنگِ میل عبور کرتے ہوئے اپنے مزید چار طلباء کو بیسک باربر ڈپلومہ کامیابی کے ساتھ مکمل کروا دیا۔ ادارے سے تربیت حاصل کرنے والے یہ نوجوان جلد بیرون ملک روانہ ہو کر مختلف ممالک میں اپنے عملی کیریئر کا آغاز کریں گے، جہاں وہ اپنی پیشہ ورانہ صلاحیتوں کے ذریعے نہ صرف باوقار روزگار حاصل کریں گے بلکہ پاکستان کا نام بھی روشن کریں گے۔
ڈپلومہ کی تکمیل کے موقع پر ادارے میں ایک خصوصی تربیتی ورکشاپ کا انعقاد کیا گیا، جس میں عالمی شہرت یافتہ پروفیشنل ہیئر کیئر برانڈ Keune کے سینئر انسٹرکٹر اظہر بھائی نے خصوصی شرکت کی۔ انہوں نے طلباء کو جدید ہیئر کلرنگ، ہیئر سائنس، سیلون مینجمنٹ، ہیئر اسٹائلنگ اور جدید فیشن ٹرینڈز سے متعلق تفصیلی لیکچرز اور عملی تربیت فراہم کی۔
ورکشاپ کے دوران Color Wheel کی جامع عملی سرگرمی منعقد کی گئی، جس میں طلباء کو رنگوں کے امتزاج، مختلف شیڈز کی شناخت، کلر بیلنس، ٹوننگ اور ہیئر کلر کی بنیادی کیمسٹری سے آگاہ کیا گیا۔ اس کے علاوہ Highlights، جدید ہیئر اسٹائلنگ، بالوں کی فِنشنگ، پروفیشنل گرومنگ اور جدید سیلون ٹیکنالوجی پر بھی عملی مشقیں کرائی گئیں، تاکہ طلباء بین الاقوامی سیلون انڈسٹری کے تقاضوں کے مطابق اپنی مہارتوں کو مزید نکھار سکیں۔
تربیتی سیشن کے دوران طلباء نے بھرپور دلچسپی، محنت، نظم و ضبط اور سیکھنے کے جذبے کا مظاہرہ کیا۔ ماہر انسٹرکٹر کی نگرانی میں مختلف عملی سرگرمیوں میں حصہ لیتے ہوئے انہوں نے جدید تکنیکوں پر مہارت حاصل کی، جسے ادارے کے اساتذہ اور تربیت کاروں نے سراہا۔
ادارے کی انتظامیہ کا کہنا تھا کہ Casa Bella Beauty Institute Gujrat کا بنیادی مقصد نوجوانوں کو ایسی معیاری فنی تعلیم فراہم کرنا ہے جو انہیں ملکی اور بین الاقوامی سطح پر روزگار کے بہترین مواقع حاصل کرنے کے قابل بنا سکے۔ اسی وژن کے تحت ادارے میں جدید نصاب، عالمی معیار کے پروڈکٹس، تجربہ کار ٹرینرز اور عملی تربیت کو یکجا کیا گیا ہے تاکہ طلباء صرف سرٹیفکیٹ ہی نہیں بلکہ عملی مہارت بھی حاصل کر سکیں۔
ادارے کے مطابق گزشتہ برسوں کے دوران یہاں سے تربیت حاصل کرنے والے متعدد طلباء پاکستان سمیت خلیجی ممالک اور دیگر بین الاقوامی مارکیٹس میں کامیابی کے ساتھ اپنی خدمات انجام دے رہے ہیں، جو ادارے کی معیاری تربیت کا واضح ثبوت ہے۔
بیسک باربر ڈپلومہ کامیابی سے مکمل کرنے والے طلباء میں محمد ایان، زوہیب ناظم، سید محاوز اور دبیر اسلم شامل ہیں۔ ادارے کی انتظامیہ اور اساتذہ نے تمام کامیاب طلباء کو دلی مبارکباد پیش کرتے ہوئے اس امید کا اظہار کیا کہ وہ اپنی صلاحیتوں، محنت اور پیشہ ورانہ مہارت کے ذریعے مستقبل میں نمایاں کامیابیاں حاصل کریں گے اور ملک و قوم کے لیے باعثِ فخر ثابت ہوں گے۔
Comments
Post a Comment